Вардар ги објави цените на билетите за натпреварите во Лига Европа

Фудбалскиот клуб Вардар ги објави цените на билетите за натпреварите од Европа Лигата. Македонскиот шампион ќе пушти во продажба блок карти за сите 3 домашни натпревари но и поединечни карти за секој од натпреварите.


Во зависност од позицијата на која ќе седите картите се движат од 600 до 1.200 денари за еден натпревар.

Така, на источната и западната трибина билетите ќе чинат 600 денари за еден натпревар, а блок билетите за сите 3 натпревари ќе се продаваат по 1.400 денари.

Во централните блокови на северната и јужната трибина еден билет ќе чини 1.200 денари, а блок за три натпревари, 3.000 денари.
Во страничните блокови на јужната и северната трибина, еден билет ќе чини 900 денари а блок картите 2.200 денари.

Првиот натпревар Вардар го игра во Скопје, на Телеком Арена на 14 септември против Зенит.