Управата за јавни приходи има нов директор

Петар Есмеров е нов директор на Управата за јавни приходи (УЈП). Тој на оваа функција е назначен откако претходниот директор Кирил Миноски беше назначен за министер за финансии.

Есмеров кој засега е назначен како в.д. директор на УЈП и досега работеше во Управата, на позицијата директор на регионалната дирекција Скопје.

Според податоците од неговата професионална биографија, Есмеров во 2008 година работел во Агенцијата за електронски комуникации, а потоа од Владата бил назначен за државен секретар во Министерството за одбрана, од каде по поднесувањето на оставката, се врабтил во Управата за јавни приходи.

Есмеров ќе биде вршител на должност директор на УЈП сè додека не се избере директор на УЈП преку јавен конкурс.