Дали знаете дека во истата чаша во која сте го испиле свежо исцедениот лимон можете да си посадите вистинско лимоново дрво? Погледнете како...
1. Одберете ги најголемите семки од лимонот и исчистете ги од надворешни кожички.
2. Прелијте ги со вода и оставете ги 6-7 дена, а водата менувајте им ја секој ден.
3. На дното од чашата или малата саксија ставете неколку каменчиња, а потоа наполнете со влажна земја. Семките се ставаат во земјата со шилестиот крај на долу, а помеѓу нив се остава простор од 5 mm.
4. Потоа семките се прекриваат со крупен песок или чакал.
5. Површината прскајте ја со вода на секои 2-3 дена со цел да го потпомогнете растот. За 7-8 дена веќе треба да се појават првите стебленца.
6. После 3-5 месеци кога стебленцата ќе пораснат, одберете ги најубавите и најсилните и пресадете ги во поголема саксија. За да може да роди со плод, дрвото мора редовно да го калемите и да му ја пружите соодветната нега.