Скопје е град во кои што живеат луѓе со културни и урбани навики. Град во кој луѓето уживаат во убавото кафе и сакаат голем дел од времето да го поминуваат со своите пријатели во мирна, тивка и опуштена атмосфера.
Ова се неколку такви места кои што го заслужуваат нашиот почит и вашето внимание.
Концептуалниот кафе бар Концепт 37 претставува простор кој ќе ги собира креативците од сите области. Тука ќе се споделува знаење и ќе одржуваат бројни настани за арт и дизајн, мода, музика, книги, адвертајзинг, архитектура. Во склоп на кафе барот се наоѓаат изложбениот простор и мини библиотеката.
Локација: Франклин Рузвелт бр. 37
Прекрасен амбиент, одлично кафе и добра книга можете да најдете во кафе Ли. И не само тоа: позитивени луѓе, ведар дух и расположение и секако најубавиот и највкусен салеп во градов. Речиси да нема скопјанец кој не слушнал и не го знае овој локал. Ако не спаѓате во оваа група, топло ви препорачуваме да го посетите.
Локација: Атинска бр.23 локал 7
Сместен далеку од градската гужва и метеж, покрај кејот на Вардар Брик Бар е одлично место за убав дневен состанок или пак се релаксирачко вечерно уживање. Локалот е опремен со посебно дизајниран мебел кое го прави ова место посебно и навистина прекрасно. Во склоп на локалот функционира и делот за јадење, Twins Kitchen and Wine – одлично место за храна и вино.
Локација: улица 1732 бр.4 (Парк резиденс, градски стадион)
На тема кафе и уживање и убава опуштена атмосфера не смееме да ja пропуштиме новоотворената кафетерија која се наоѓа во центарот на градот. Одлично концепиран локал, со услужен персонал и голем избор на кафе. Сместен во градското лудило, уживајте во топлата амтофера и правете конверзација со кафето до вас.
Локација: Аминта трети
Излет Кафе се наоѓа во центарот на Скопје, во близина на Грчката амбасада. Пријатен амбиент со прекрасна летна тераса, одлично место за дружење и убаво кафе. Убаво место за искулирано и релаксирано кафе или пак пиво со пријателите.
Локација: Мирослав Крлежа бр.25
