ТВ21: Во моментов на Инфективната клиника во Скопје се врши тестирање на корона вирус на едно лице со симптоми на грип

Во моментов на Инфективната клиника во Скопје се врши тестирање на корона вирус на едно лице со симптоми на грип, дознава ТВ21, а потврдуваат од Министерството за здравство, пренесува ТВ21. 

Пациентот имал лесна клиничка слика, нема покачена телесна температура и неговата состојба е стабилна. Се работи за лице кое денеска со попладневниот лет од Милано пристигнало во Скопје.

Патникот поминал низ термалната камера, која кај него не дијагностицирала симптоматологија на болест. И самиот пациент, првите симптоми ги почувствувал по доаѓањето дома, по што се јавил на Инфективната клиника во Скопје и бил примен во 22:00 часот.

Од неговото пристигнување на клиниката, пациентот е ставен во изолација, а во моментов кај него се прават тестови согласно утврдениот протокол. Резултатите се очекуваат во следните два часа, за што веднаш ќе ја известиме јавноста.