Министерството за внатрешни работи информираше дека вчера во 19,55 часот во Секторот за внатрешни работи Скопје било пријавено дека на крстосницата од булеварот „Партизански одреди“ и булеварот „Св. Климент Охридски“ се случила сообраќајна незгода помеѓу патничко моторно возило „БМВ“ со скопски регистерски таблици управувано од Б.Т.(29) од Скопје и патничко моторно возило „Мерцедес“ со скопски регистерски таблици управувано од К.И. (65) од Скопје, при што настрадал и пешакот Д.Б. (65), кој се здобил со тешки телесни повреди.
Ова беше причина за @SkopjeSmogAlarm на социјалните мрежи да објави твит во кој ја обвинуваат полицијата дека целосно потфрлила кога е во прашање безбедноста на граѓаните. Тротоарите станаа паркинзи, булеварите станаа тркачки писти, полицајците станаа неми посматрачи...
Тие прашуваат до кога ќе се толерира ваквата состојба. Прашањето е поставено до Министерот за внатрешни работи, Владата на Република Македонија, Мисијата на ЕУ во Скопје и Министерството за внатрешни работи.