Тројца повредени во Скопје

Три лица се полесно повредени, во три од вкупно 10. сообраќајни незгоди што во изминатите 24 часа се случиле на подрачјето на Град Скопје. Во седум од сообраќајките е причинета само материјална штета.

Сообраќајната полиција открила и санкционирала 16 возачи кои возеле со поголема брзина од дозволената предвидена со сообраќајниот знак.

Од сообраќај биле исклучени четворица возачи што го управувале возилото под дејство на алкохол, како и 14 возачи што возеле пред да се стекнат со правото за управување со моторно возило. Санкционирани се и тројца возачи кои поминале на црвено светло, еден за неправилно престројување и четворица за неправилно престигнување, како и 15 пешаши кои не ја поминале улицата на пешачки премин.

Поради непрописно паркирање со специјалното возило „пајак“ се подигнати 96 возила, а казна за непрописно паркирање добиле 97 возачи.