Вкупно 16 сообраќајни несреќи се случиле во текот на вчерашниот ден на подрачјето на СВР Скопје, од кои во пет со повреди се здобиле пет лица, при што пешак и возач на мотоцикл се потешко повредени, а во 11 е причинета материјална штета.
Полицијата презела казнени мерки поради поголем број прекршоци и тоа кај 36 возачи кои се движеле со брзина поголема од дозволената, четири возачи го управувале возилото под дејство на алкохол и се исклучени од сообраќај, двајца возачи поминале на црвено светло на семафор, како и кај 25 возачи кои го управувале возилото без возачка дозвола, односно нерегистрирано. Санкционирани се и шест возачи на велосипед со мотор, мопед и мотоцикл кои за време на возење на пат не го носеле заштитниот шлем на глава. Затекнати се и 34 непрописно паркирани возила.
Со помош на специјалното возило „пајак“, отстранети биле 55 возила.
