За градот
22. December 2016 - 15:57

Технички зафати во електромрежата: Без струја неколку општини

Поради закажани технички зафати во системот, утре без струја ќе бидат делови од Општина Центар, Ѓорче Петров, Кисела Вода и Аеродром, соопшти РЦУК.

Прекин во снабдувањето со електрична енергија од 9 до 12 часот ќе има на дел од улиците „Васил Ѓоргов“, „Водњанска“, „Бел Камен“ и „Козара“ од Општина Центар, од 8.30 до 11.30 часот дел од улиците „Питу Гули“ и „Капиштец“ во Општина Центар, а од 9 до 14 часот улиците 20, 22 и 24 во селото Волково, Општина Ѓорче Перов.

Без струја од 10 до 12 часот ќе бидат делови од улицата „Иван Козар“, фирмите кај Тутунски Комбинат и дел од истата улица кај старата рампа и улицата „Улоф Палме“ во Општина Кисела Вода, од 9 до 12 часот дел од улиците „Маџир Маало“ и „Петричка“ во Општина Центар, од 12 до 15 часот дел од улиците „Бошко Буха“ и „Ернест Телман“ во Општина Аеродром и 9 до 10 часот улицата „Владимир Назор“ бр. 4 во Општина Центар.