Градоначалникот, Стевчо Јакимовски, одржа говор во кој ретроспективно се наврати на самото формирање на општината, далечната 1976-та. Им се заблагодари на неговите претходници, администрацијата и советниците за нивниот допринос во градењето на оштината. Нивна заслуга е тоа што денес, Карпош е една од најурбаните општини во државата, рече Јакимовски.
Тој напомена дека инфраструктурата е во главниот фокус на неговото работење, но и покрај тоа, се води грижа за зеленилото, изградба на плоштади и места за рекреација. Се вложува и во граѓаните, особено во најмладите. Во моментов, се работи на реконструкција на покривите не колективни и индивидуални стамбени објекти, фасади, лифтови...
– „Постојано вложуваме во инфраструктурата во Карпош, во изградба на нови паркови и плоштади, засадување дрвја, реконструкција на училишта и градинки, и реконструкција на фасади. Во моментов ги реконструираме покривите на индивидуалните и колективните станбени објекти и ги заменуваме старите и дотраени лифтови во зградите. Започна изградбата на градинка во населеното место Бардовци, предвидено е во иднина и изградба на училиште“
– Со посебен ентузијазам инвестираме во најмладите карпошани преку училишните спортски лиги, развивајќи го спортот на повисоко ниво во општината. Не ги забораваме пензионерите, и им помагаме на социјално загрозените семејства кои живеат на наша територијата. Нашата цел е постојано да се надградуваме и да работиме во интерес на нашите сограѓани“ истакна Јакимовски.
