Совршен ручек: Ароматична тиква со брокула и пилешко

Тиквата е намирница која ја обожаваме во текот на есента. Освен што е една од најздравите состојки, таа има одличен вкус и мирис. 

Ова јадење може да биде совршен ручек за целото семејство.

Потребни состојки:

1 тиква во средна големина

2 главици кромид

1 главица брокула

300 гр. пилешко филе

маслиново масло

сол  и црн пипер

рузмарин или мајчина душичка или италијански зачин

Исецкајте го кромидот и пропржете го на претходно загреано маслиново масло. Кога ќе добие златна боја, додајте го исечканото пилешко само за да добие боја. Тргнете од оган.

Исчистете ги брокулата и тиквата. Исечете ја тиквата на кришки, а брокулата одвоете ја на листови. Тавчето пропрскајте го со маслиново масло, па додадете ги состојките, посолете, додадете црн пипер и измешајте. На крајот додадете го свежиот рузмарин, мајчината душичка или италијанскиот зачин. Печете во рерна околу 20 минути.

Послужете додека е топло и уживајте во ваквиот оброк.