Градоначалникот на Општина Бутел, Велимир Смилевски деновиве е во официјална посета на Мостар, Босна и Херцеговина, каде што вчера оствари работна средба со градоначалникот на Град Мостар, Љубо Бешлиќ, како и градоначалникот на Град Зрењанин, Чедомир Јањиќ.
На средбата градоначалниците дискутираа за можните области во кои би ја развиле идната заедничка соработка,како и желба истата во иднина да се продлабочи.Посебен акцент беше ставен на размената на идејни решенија и позитивни искуства од работењето на локалните самоуправи во областа на урбанистичкото уредување, заштита на животната средина, култура,како и развој на локалниот туризам како еден од алките за промоција на посебните природни обележја кои ги поседува секоја општина.