Скопје руши рекорди со загадениот воздух, ситуацијата е алармантна, а нивото на штетни ПМ10 честички е многу високо. Главниот град е прв на листата на најзагаден во светот.
Многу високо ниво на канцерогените ПМ10- честички и ПМ2,5- честички има во Центар, Карпош, Лисиче, Гази Баба и Ректорат, нивото на загаденост е над дозволеното, а намалена е и видливоста.
Видливост од 15 до 20 метри- ова особено се однесува на скопската котлина, а од УХМР велат дека магла има и низ неколку котлини во земјава. Само во Скопје се случиле десетина сообраќајки во утринските часови.
Концентрацијата на канцерогени честички ПМ10 беше зголемена во текот на изминативе денови, а во населбата Лисиче се измерени533 микрограми по кубен метар.
Во Карпош синоќа околу 23 часот се измерени 335 микрограми, а во Гази Баба 273. Во текот на ноќта вредностите варираа.
Вчера само два часа е измерена дозволена вредност и тоа околу 50 микрограми честици.
Овие денови кога тешко се дише и опасните ПМ честички се и 10 пати над дозволеното, кардиолозите ги предупредуваат нивните пациенти да седат дома, бидејќи штетните честички може да направат проблеми.
Аерозагадувањето има хронично влијание врз кардиоваскуларниот систем и овој период постојано им фали кревет повеќе.
Покрај кардиолозите апелираат и педијатрите, родителите да не ги изнесуваат надбор своите деца, особено кога воздухот е многу загаден, бидејќи и Клиниката за детски болести е полна со пацинети.
