Угледниот холандски весник го смести Скопје во групата на 21 европски град којшто не е позната и извикана туристичка дестинација, но дефинитивно заслужува да се посети. Одличната храна, богатата култура и неверојатните локации и глетки се главната причина, според весникот, туристите да застанат и барем еден викенд да поминат во Скопје.
– Со своите бројни амами, испреплетените камени улички и пазарите за храна со неверојатна атмосфера, Скопје е еден од источноевропските градови во кои вреди да застанете и кој ќе ви направи голема разлика – пишува весникот. Освен македонската метропола, на листата на весникот се најдоа и дваесет други градови.За сите нив, се пишува дека се градови со неверојатен шарм, но без вообичаениот туристички метеж карактеристичен за познатите туристички дестинации.
Во продолжение е комплетната листа на неизвикани дестинации кои годинава туристите треба да ги посетат.
– Бергамо, Италија
– Скопје, Македонија
– Тревизо, Италија
– Тбилиси, Грузија
– Сеговија, Шпанија
– Виторија – Гастеиз, Шпанија
– Тавира, Португалија
– Осјек, Хрватска
– Умеа, Шведска
– Нант, Франција
– Брегенц, Австрија
– Сион, Швајцарија
– Гимареш, Португалија
– Лубек, Германија
– Вроцлав, Полска
– Пловдив, Бугарија
– Трст, Италија
– Архус, Данска
– Брага, Португалија
– Егер, Унгарија
– Марибор, Словенија
