Четириесет годишниот А.Л. од скопско Батинци се бори за живот по сообраќајна несреќа која вчера попладне се случи на патот Скопје-село Батинци.
Од МВР денес информираат дека до несреќата дошло при судир на камион кој го управувал 34 годишниот М.Е. од Средно Коњаре и комбе управувано од повредениот А.Л.
Со возило на итна медицинска помош бил пренесен во Ургентниот центар во Скопје каде се наоѓа во животна опасност.
На местото на несреќата е извршен увид, а полицијата работи на целосно расчистување на сообраќајката.