Утре во 10, во Градскиот парк во Скопје, на езерцето во првиот дел на паркот ќе започне проектот „Сите во кајак“. Настанот има за цел да им овозможи на преку 3 000 деца да се запознаат и опробаат во овој спорт. Во понатамошната фаза, проектот ќе се реализира на повеќе локации низ земјава.
Иницијатори на кампањата се Кајакарската федерација на Македонија и Кајак/Кану клубот „Илинден“ кои гледаат перспектива во градењето на база на спортисти кои се занимаваат со оваа олимписка дисциплина. Првиот настан ќе се одржи во Скопје, а во текот на летото ќе се пресели и во Охрид, Струга, Маврово, Ресен, Дебар, Кочани, Штип и Велес.
За утрешниот настан кој ќе трае од 10 до 13 часот, обезбедена е комплетна соодветна опрема, како и тим од професионални тренери.
Сите заинтересирани, должни се да го пријават своето учество во акцијата „Сите во кајак“ преку пополнување на апликација на www.sitevokajak.mk или телефонски на 070/277-552.