Сите патишта водат кон Прилеп - започнува Пиво Фест, Цеца главна ѕвезда

Се е подготвено за денешното отворање на 17-тиот по ред Пиво Фест во Прилеп кој ќе трае 4 дена. На овој фестивал досега продефилираа најголемите музички имиња од целиот Балкан и Македонија.

Годинава главна ѕвезда ќе биде Цеца, која ќе пее во петокот, но освен турбо фолк ќе има музички жанрови за сите вкусови.

Јавните претпријатија истакнаа дека се комплетно подготвени за целосно да ги задоволат сите потреби на гостите.

„Квалитетно перење на улиците, собирањето на сметот, со сето ова ќе се започнува уште во 03.00 часот утрината за да се биде готово до 08.00 часот“, кажа Ирена Станкоска, директор на ЈКП „Комуналец“ Прилеп.

Паркингот ќе чини 60 денари и ќе се наплаќа на влезовите на Прилеп.

„Сите возила коии ќе бидат присутни за време на Пиво фестот ќе бидат паркирани на периферијата на градот за да можеме да го растеретиме централното градско подрачје“, рече Илија Иваноски, раководител на сектор за паркинзи.

Главна ѕвезда на денешниот прв ден од Фестивалот ќе биде групата Галија.