Политичката криза нема да влијае врз туризмот. Министерот за економија очекува брза разрешница на кризата и успешна сезона, со зголемен број на туристи.
Влезот на нискобуџетните авиокомпании, директните врски со 37 те европски дестинации, субвенциите за тур операторите, ќе придонесат годинава да има посети и од подалечните дестинации. До сега најзастепени беа гостите од соседството – Србија и Бугарија.
Неделавата слета и првиот авион со 180 холандски туристи, а до крајот на сезоната дури 30 илјади холанѓани треба да ја посетат Македонија. Надлежните очекуваат бројот на туристи да биде поголем за 20% во однос на лани.
Минатата година земјава ја посетиле милион и 700 илјади гости. Во јануари и февруари 80 илјади, од кои повеќе од половината биле странци.