Екипите на ЈП „Комунална хигиена“ денеска, од рано наутро, вршат рачно миење и дезинфекција на плоштадите „Македонија“ и „Филип Втори“.
На градските улици и булевари, пак, се врши машинско миење и дезинфекција на коловозите.
Активностите за чистење и дезинфекција на јавните површини во градот се со цел да се подигне нивото на јавната хигиена и да се заштити здравјето на граѓаните од ширењето на корона вирусот.
