Денеска, на шестиот ден од одбележувањето на Денот на екологијата, тема беа активностите на учениците од ОУ "Лиман Каба" во село Љуботен под наслов: КЛИМАТСКИТЕ ПРОМЕНИ.
Денешни екомотиватори беа професорот од Природно Математичкиот факултет Ивица Милевски и професорката Беса Лужа како и преставници од ЈП Комунална хигиена-Скопје.
Градоначалникот Велимир Смилевски ја отвори денешната манифестација,и во своето поздравно обраќање се осврна на природните убавини и пријатните климатски услови кои токму ова скопско село ги поседува, и притоа упати апел до сите жители за несебичен придонес во зачувувањето на оваа средина.
Присутните ученици упатија прашања кон присутните екомотиватори како и Градоначалникот Смилевски,кои се развија во една богата дебата на која беа дадени одговори за мерките кои локалната самоуправа ги превзема како и програмата за зачувување на животната средина во текот на наредниот период.
По завршувањето на културно-уметничката програма на која настапија ученици од основното училиште во село Љуботен ,,Лиман Каба ,, ќе бидат насадени и повеќе зимзелени садници.
