Оваа салата се подготвува едноставно и лесно, а често се послужува на празничните трпези.

Состојки:

2 варени компири

100 гр шунка 

100 гр кашкавал

4 варени јајца

2 варени моркови

200 гр мајонез

200 гр кисела павлака

сол

бибер

Начин на подготовка:

На дното на стаклена чинија изрендајте варен компир, посолете и побиберете, потоа додајте половина од павлаката, па убаво распоредете. Од горе додајте малку мајонез, па рендан морков, павлака, потоа шунка, па остатокот од павлаката, повторно малку мајонез, па рендани варени јајца, прелијте со мајонез и на крај изрендајте кашкавал или тврдо сирење.

Добро изладете ја салатата и послужете ја како предјадење, додаток за месо или како главно јадење.

На здравје!