Сите знаеме дека никој не е совршен, но и покрај тоа сакаме нашите партнери да бидат токму такви.
Ако вистински верувате во постоење на сродни души, тогаш знаете дека таму некаде се наоѓа некој за секого. Но, и покрај тоа, вашата сродна душа може да биде ваш најголем извор на среќа. Со доброто мора да дојде и она лошото, зарем не?
Оној кој рекол дека врските се лесни – ве лажел. Лесно е да се сака некого, но да се издржи друго човечко суштество, со кое треба да го делите животот – не е баш најлесно. Еве неколку работи кои морате да ги прифатите доколку сакате успешна врска.
Сите грешиме
Никој не е совршен и очекувањето вашите партнери да бидат такви е навистина смешно. Сите сме луѓе, па затоа понекогаш и ќе грешиме. Признајте, на овој или оној начин, и вие сте правеле грешки во претходните врски. Тоа едноставно се случува.
Кога ќе ги прифатите вашите партнери поради она што се, наместо поради тоа што не се, вашиот живот ќе стане помалку стресен. Тие нема секогаш да бидат во состојба да сфатат каде погрешиле. Секако, ова не важи за сите грешки. На пример – изневерување. Такви работи не треба да ги простите и заборавите, затоа што ако нешто свесно правите нешто што знаете дека е погрешно, тогаш тоа не е грешка.
Не можете да ги промените вашите партнери
Не можете да ги приморувате вашите партнери да се однесуваат на одреден начин, само затоа што вие мислите дека така теба. И повторно, морате да ги прифатите такви какви што се. Ако не ви се допаѓаат какви се како луѓе, тогаш мора да размислите дали воопшто сакате да останете во таа врска.
Анализирајте ги добрите и лошите карактеристики, а потоа размислите дали и колку е вредно да се остане во таа врска. Доколку не се однесуваат кон вас како што доликува, тогаш едноставно оставете ги. Но, ако вашите партнери имаат неколку маани кои ве нервираат, научете да се носите со нив.
Нема секогаш да биде лесно
Сите парови поминуваат низ работи кои ја тестираат нивната врска. Без оглед на тоа дали се работи за незгодни поранешни партнери, време или далечина. Низ тие тестови поминуваме со причина. Мораме да утврдиме колку е врската силна и колку ни значи. Ќе има кавги и тешки времиња. Доколку не проаѓате низ овие работи, едноставно не сте дошле до доволно високо ниво во врската.
Делењето на животот со некого не е секогаш лесна работа. Кога ќе почнете да вклучувате некого во вашиот живот, морате да вложите малку напор. Комуникацијата е еден од најважните делови од врската. Тука е и довербата. Доколку немате доверба еден во друг, тогаш немате ништо.
Прифатите извинување
Со оглед на тоа дека сите правиме грешки, единствено што можеме да направиме е да се извиниме. Знаете колку фрустрира кога некому искрено се извинувате, а тие тоа само го отфрлуваат и одбиваат да го прифатат. Знаете какво е чувството, па затоа не дозволувајте и други така да се чувствуваат поради вас.
По кавгата, еден од вас двајца, ако не и двајцата, ќе мора да се извини. Полесно е да простите некому кога тие ќе ви дадат шанса да го направите тоа. Искреното извинување е многу важна работа, затоа што на тој начин сте еден чекор поблизу кон разрешување на кавгата.
