Пуштена во употреба реконструираната училишна спортска сала во ООУ “Димитар Поп Георгиев Беровски” во Ѓорче Петров.
Во оваа фаза, целосно е променет подот на салата, кој е повеќенаменски, односно освен за училишни, може да се користи и за спортски сали. Истиот е одобрен и од Интернационалната федерација за ракомет. Исто така, салата е и целосно внатрешно бојадисана.
– Ќе се согласиме дека физичкото образование е еден од најважните сегменти во образовниот процес, кој има повеќекратни позитивни ефекти врз идниот физички и психолошки развој на младите генерации со кои ќе се гордееме. Општината ја заврши реконструкцијата на дел од спортската сала, со што се овозможува топлотна изолација, енергетска ефикасност и подобрени хигиенски услови. Со новиот под, се обезбедуваат услови за сите спортско-рекреативни активности, а придобивка ќе имаат и спортските клубови и друштва – рече градоначалникот на општина Ѓорче Петров, Александар Наумоски.
За понатаму, планирана е реконструкција и на други сали во училиштата низ општината, со што децата ќе добијат современи и безбедни услови за реализација на наставата по физичко образование.