Во книжарницата на „Матица македонска“ од Скопје денеска ќе биде промовиран романот „Интернат“ од големиот украински писател Сергиј Жадан.
На свеченоста, што ја организираат Амбасадата на Украина во нашата држава и Здружението на украинците во Скопје, поздравна реч ќе одржи амбасадорката Наталија Задорожњук, одека делото ќе го промовираат писателот Раде Силјан и преведувачката Вера Чорниј Мешкова.
Сергиј Жадан спаѓа во редот на најпознатите современи украински писатели. Автор е на богат прозен опус за кој е добитник на бројни книжевни национални и меѓународни признанија, а неговиот роман „Интернат“ е преведен на најзначајните јазици во светот.