Енергијата на љубовта е исто ко сончевата енергијата, на сите ни е потребна. Со обзир на тоа дека фенг шуи е одличен сојузник во создавање на позитивна атмосфера во домот и привлекување богатство во животот, зошто да не ги искористите и овие три одлични совети и да привлечете љубов.
Пред да ги послушате овие совети, експертите за фенг шуи велат дека пред се морате да се сакате себеси и да се грижите за сопствените емоционални потреби. Дури кога ќе ги исполните овие услови можете да создадете позитивна енергија во домот кој ќе привлече и љубовна енергија.
Совет 1
Претворете ја својата соба во место кое ќе зрачи со позитивната енергија и романтична атмосфера. Каков е креветот во којшто спиете, а каква е бојата на вашите ѕидови? Дури и ако сте сами, средете ја вашата спална соба во боите на љубовта за две личности. Енергијата над креветот треба да биде силна и балансирана. Поставете ноќни масички на двете страни или препуштете и се на вашата креативност.
Совет 2
Претворете ја бањата во спа простор кој ќе привлекува љубовна енергија. Поголемиот дел од луѓето не обрнуваат внимание на бањата и оваа просторија обично последна доаѓа на ред за средување. Меѓутоа, според фенг шуи, навистина е важно оваа просторија да биде уредна и средена за да може со вашиот живот да владее благосостојба и љубов.
Бањата најчесто ја користиме за да го исчистиме телото, но експертите по фенг шуи велат дека тука треба да ја чистиме и душата. Затоа уредната и убава бања ќе им донесе добра енергија и на вашето тело и на вашата душа. Доколку зрачите со позитивна енергија полесно ќе привлечете сродна душа во својот живот.
Совет 3
Исполнете го домот со детали кои според фенг шуи носат среќа и благосостојба. Секако дека поставувањето на мандаринската патка на вистинското место не е доволно само по себе, но овој предмет секако ќе ви донесе позитивна енергија во вашиот дом, а со самото тоа и во вашиот живот. Романтичната слика која асоцира на љубов, кристалите во форма на роза и црвените свеќи ќе допринесат за создавање на позитивна атмосфера во која ќе се чувствувате блажено, сакано и сигурно.
