Полициски службеници на СВР Тетово- Полициска станица Гостивар, вчера ( 22 септември) околу 13 часот го лишиле од слобода 50-годишниот А.Б. од долнореканското село Јанче, полициски службеник во Полициската станица за граничен премин и гранична надзор Стрезимир, поради сомнение дека ја злоупотребил службената должност.
Според пријавеното, на 21 септември околу 16 часот и 20 минути, на регионалниот пат Маврови Анови-Дебар, А.Б. запрел патничко возило „КИА“ со охридски регистарски ознаки, што го управувал холандскиот државјанин П.В.Н.(61) и за наводен сообраќаен прекршок му одзел 20 евра.
