Триесет дневен притвор за петчлената организирана криминална група осомничена за нелегално продавање на дрога, во акцијата Мрежа.
Според соопштението на МВР, петтемина осомничени во текот на оваа и минатата година продавале кокаин за цена од 3000 до 4500 денари за една паковка. Кокаинот бил набавуван од непознато лице од Р. Србија во помали количини, за полесно и побезбедно да го извршат транспортот преку граничните премини.
При извршените претреси, во домот на организаторот на криминалната група се пронајдени и одземени 50 девет милиметарски куршуми, една паковка со бела прашкаста материја еден автомобил и три мобилни телефони. Во домот на останатите осомничени одземени се куршуми, паковки со непозната бела прашкаста материја, и кеса со непозната растителна материја, информираат од МВР.
Надлежните велат дека клиенти на осомничените им биле познати лица од естрадата, сопственици на познати кафулиња и поимотни лица од Скопје.