Пожар во зграда во изградба кај Педагошки факултет

Пожар избувна попладнево во зграда во изградба лоцирана на булеварот „8 Септември“ спроти Педагошкиот факултет.

Од МВР за Курир информираат дека пожарот кај нив бил пријавен од случаен минувач во 15:40 часот кој рекол дека се гледа густ црн чад.

Командирот на противпожарната бригада на градот Скопје, Ѕвонко Томевски во изјава вели дека пожарот е локализиран.

-По пријавата веднаш е излезено на терен со пет возила. Пожарот избувнал на фасадата од стиропор, на зграда која е во изградба, но истиот е локализиран, вели Томевски .

Причините засега не се познати.