За поголема безбедност во сообраќајот, екипите на ЈП „Улици и патишта“ поставија заштитни столпчиња на улицата Маџари кај пазарчето во Ченто во општина Гази Баба.
Оваа локација долго време беше црна точка во општина Гази Баба, со узурпирани пешачки патеки, а улицата целосно беше закочена од непрописно паркирани возила.
Град Скопје и понатаму нема да толерира узурпација од возила на јавни површини, а во наредниот период на овој потег ќе има засилени инспекциски контроли.
