Почна сезоната на скопскиот „Аква Парк“, а лекарите предупредуваат за внимателност при користење на базените

Вчера почна новата сезона на скопскиот Аква парк. Од Аква паркот велат дека годинава водата е почиста, а и цените се помали.

Аквапаркот има нови понуди за првлекување на посетителите. Детски катчиња со песок, а родителите да одморат. 

Покрај Аква паркот, скопјани спас од летните горештини, можат да најдат и во уште неколку базени.

Лекарите предупредуваат на внимателност кога се користат базените. 

Базените за разлика од стоечката вода, благодарение на денешната технологија можат да работат со целосна сигурност за посетителите. Чистотата на водата во базените се должи на хемиската и микробиолошка контрола. Но, ако малку се запустат тогаш кријат големи здравствени опасности за пливачите. Во такви услови во водата се кријат многу бактерии и микроорганизми. Голтањето на контаминирана вода доведува до гастроинтестинални инфекции, односно инфекции на дигестивниот систем, чии симптоми се дијареа, повраќање, треска, болки во стомакот …

Постои зголемен ризик од вирусен менингитис, особено во текот на јули и август. исто така може да дојде и до вагинални инфекции. Некои од микроорганизмите во загадена вода може да предизвикаат вагинална инфекција дури и по само едно пливање. Одредени микроорганизми може да предизвикаат инфекции на кожата, особено ако има посекотини и отворени рани. Инфекции на кожата можат да се појават и на пазувите, препоните и меѓу прстите. мета на бактериите се и очите и ушите. Воспалението на овие органи се третира со антибиотици, па затоа е важно навреме да се побара медицинска помош.
Бактериите во базените се уништуваат со додавање на хлор. Но постои опасност од труење доколку има поголема концентрација на хлор.

Покрај бактериите, базените се опасни и во поглед на скршеници и други повреди. Несовесно нуркање може да резултира со скршеници и тешки повреди. Затоа препораката е голема внимателност на базените особено оние каде има голем број на луѓе.