Пешак е повреден во сообраќајна несреќа во Скопје.

Според полицијата, вчера во 21.10 часот било пријавено дека на улицата Цветан Димов во Скопје патничко возило „бе-ем-ве“ со скопски регистарски ознаки, управувано од А.А. (19) од Скопје удрило во пешак од Скопје. Од незгодата со повреди се здобил пешакот Д.Д. (30).

Тој со возило на Итна медицинска помош бил пренесен во Комплексот клиники „Мајка Тереза“, каде што од страна на лекар му била укажана лекарска помош и му биле констатирани тешки телесни повреди. Увид на местото на настанот извршила екипа на скопската полиција.