Период на Биковите: Сè што треба да знаете за луѓето родени во овој знак

Луѓето родени во знакот Бик се силни луѓе. Тие се карактеризираат со самодоверба, но и стабилност и сталоженост. Делуваат како да не брзаат никаде, а ако ја заслужите нивната љубов и доверба имате пријатели за цел живот.

Биковите се најдобар пример за раст и развој од сите знаци во хороскопот. Тоа е така бидејќи се многу приземјени личности кои полека се развиваат, истовремено анализирајќи ги другите околу нив.

На секој Бик му е потребна хармонија во животот. Тие сакаат задоволство, но и мир и никогаш не би можеле да живеат со драмата која Близнаците и Лавовите ја обожаваат. Нивниот концепт за среќа е поврзан со хармонијата, безбедноста, но и нештата кои ги поседуваат. Често се трудат да најдат баланс во животот, но бидејќи се едноставни нема да имаат голем проблем да го постигнат тоа.

Тие се екстремно тврдоглави личности кои држат до своите ставови. Сакаат да се независни, но често не знаат како да се грижат за себеси, без помошта од другите. Затоа, тие треба да разберат дека светот не се врти околу нив и дека не се секогаш во центарот на вниманието. Ваквите навики мораат да научат да ги изградат сами.

Тие обожаваат спорт, секс и постојано бараат начин како да се релаксираат. Сепак, за многумина важат за личности кои не знаат како да се опуштат.

Тие се родени лидери и ја обожаваат тимската работа, но многу лесно знаат да работат и сами. Некогаш се поставуваат и натпреварувачки кон другите, но така си додаваат забава во тоа што го прават. Често сметаат дека нивниот начин е најправилниот, но иако не се сложуваат, често знаат да премолчат и да го прифатат начинот на другите луѓе. Но, штом проектот пропадне, нема да пропуштат да споменат дека биле во право.

Во љубовта, се мрзеливи, но интересни личности со кои можете да водите долги разговори, но и да имате одличен секс. Тоа ги прави одлични партнери. Сепак, тие често знаат да ги идеализираат своите партнери и да се залетаат во љубовта, што прави да бидат повредени на крајот.

Највеќе си одговараат со Јарците, со кои некако како природно да се сојузници. И двата знаци сакаат фини нешта и патувања, амбициозни се, но и приземјени. Доколку изберат партнер во овој знак можат да бидат многу моќна двојка. Најмалку си одговараат со Шкорпиите бидејќи го вадат најлошото едни од други. Ваквата поврзаност знае да биде многу токсична.

Биковите се личности кои одлично ги читаат другите луѓе. Веќе на прв поглед знаат дали некој може да им биде пријател и колку можат да сметаат на некоја личност. Во пријателствата знаат да бидат пасивни, но тоа не значи дека не се добри пријатели. Сакаат да им помагаат на другите луѓе, а повеќе од се да ги слушаат и да им дадат добар  совет.