Пендаровски ја продолжи вонредната состојба уште 14 дена

Претседателот Стево Пендаровски по денешната седница на Советот за безбедност објави дека донел одлука за прогласување на нови 14 дена вонредна состојба. Тој истакна дека целта на оваа одлука е да и се овозможи на владата да се справува со здравствената и економската ситуација и нема врска со одржувањето на парламентарните избори.

-Сакам да им се заблагодарам на граѓаните, на мнозинството од нив, што 3 месеци останаа дисциплинирани, но да не се опуштаме и да останеме совесни и одговорни до крајот на битката – рече Пендаровски.

Тој упати порака до владата негативните трендови во некои општини да не бидат повод да се враќање на мерките на цела територија. Воедно, тој побара да се санкционираат сите граѓани што не ги почитуваат мерките.