Интернетот денеска можат да го користат сите. Некогаш се користи за пребарување на нешто важно, но често пати, тоа слижи и како место каде можат да се најдат многу непроверени и неточни информации.
Педијатрите во Македонија се почесто почнуваат да апелираат до мајките, ако имаат некој проблем со своето дете, најпрвин да се обратат на стручно лице, а да не превземаат некои работи на свои раце, откако прочитале на интернет.
Додека некои жени, порано совети барале од своите мајки и свекрви, денес за сите важни прашања во врска со детето се консултираат со интернет, па таму пронаоѓаат утеха и искуство од другите мајки. А често знаат и да направат некој поголем проблем, бидејќи кај секое дете постои различна причина за појава на одредена болест, симптом или било какво невообичаено однесување.