Општина Ѓорче Петров побара дезинфекција на училиштата и градинките

Општина Ѓорче Петров побара да се изврши вонредна дезинфекција во објектите на сите училишта и градинки што се наоѓаат на нејзина територија. Од вработените во училиштата побара да си организираат дежурства.

– Училиштата во деновите што следуваат имаат обврски да обезбедат дежурства од вработените. Исто така, да обезбедат средства за хигиена и дезинфекција во доволни количества и редовно да вршат дезинфицирање на главните и споредните влезови, просториите што ги користи обезбедувањето и просториите на дежурните вработени – велат надлежните од Општина Ѓорче Петров.