Околу осум илјади работни места им се нудат на невработените лица во земјава во претпријатија кои работници бараат преку Агенцијата за вработување. Она што најмногу се бара се продавачи и работници во преработувачката индустрија, но и градежни работници, како и оние во финансиската дејност.
Во евиденцијата на Агенцијата за вработување работа бараат вкупно 96.728 лица, од кои поголемиот дел се машка популација. И покрај тоа стапката на невработеност во Македонија се уште е висока и според последните објавени податоци изнесува 22,6 проценти.
Така според последните објавени статистички податоци стапката на невработеност во Македонија во второто тримесечје од годинава изнесува 22,6 проценти и во однос на претходниот квартал бележи намалување од 0,3 проценти. Невработеноста во првиот квартал изнесувала 22,9 проценти, а во последниот квартал од 2016 година 24 проценти.
Работодавачите и во наредниот период ќе имаат потреба од нови врабоувања. Анализата спроведена од Агенцијата за вработуваање покажува дека бројот на работници што ќе го побаруваат работодавците е 8.207.
Најмногу вработувања се очекуваат кај малите работодавачи и тоа 39,8 отсто од очекуваните вработувања, кај средните 33,9 отсто, и 26,2 отсто кај големите работодавачи.