Педагошкиот факултет „Св. Климент Охридски“ денеска ќе одржи свечено одбележување по повод 24 Мај, Денот на сесловенските просветители и патрониот празник на Универзитетот Св. Кирил и Методиј.
По тој повод ќе се одржи и Првиот поетски студентски фестивал на кој ќе учествуваат студенти поети од други факултети од Скопје, Битола и Штип.
Во рамките на свеченоста е предвидена и промоција на литературниот алманах „На крилата на зборот“, прво студентско објавување на проза и поезија од сегашни и веќе дипломирани студенти на Педагошкиот факултет.
