Од полноќ се точи поскап бензин - ова се новите цени на горивата

Бензините од ноќеска на полноќ поскапеа за половина денар, а за толкав износ поевтини дизелот и екстра лесното масло за домаќинство, одлучи Регулаторната комисија за енергетика.

Литар ЕУРОСУПЕР БС-95 се продава за 69 денари,  а ЕУРОСУПЕР БС-98 за 71 денар. Новата цена на ЕУРОДИЗЕЛ (Д-Е V) изнесува 61 денар, а на Екстра лесното масло за домаќинство (ЕЛ-1) 50,50 денари за литар.

Малопродажната цена на мазутот М-1 НС е намалена за 0,110денари и килограм чини 34,739 денари.

Намалувањето на малопродажните цени на нафтените деривати во просек изнесува 0,13 проценти.