Македонскиот кошаркарски шампион, МЗТ Скопје никако не може да крене глава од проблеми со повредени играчи со тоа што сега на листата на неактивни е искусниот центар Јуре Лалиќ.
Имено Лалиќ се здоби со скршеница на носот при еден дуел со Љубомир Младеновски на тренингот на „металците“ и според информациите ќе биде најмалку десетина дена надвор од тренажниот процес.
Тој имаше оперативен зафат кој мина како што треба, ама ќе биде во аут за два дуели од АБА-лигата, дома против Цедевита (2 јануари) и на гости кај Цибона (8 јануари). Покрај Лалиќ мечот со Цедевита ќе го пропуштат Даниел Кларк и Стојан Ѓуроски, но позитивно е што во екипата се враќаат македонскиот репрезентативец Марко Симоновски и Американецот Ксавиер Темс.