Не ти треба момче за да те спаси!

Ти. Да, ти. Те гледам. Јас сум ти. Се чувствуваш изгубено, несигурно. И мислиш дека некое момче ќе те спаси.

Те сфаќам, верувај ми, те сфаќам. Но, реалноста е дека ниту едно момче не може да те спаси.

О, драга, никој не може да те спаси освен самата ти.

Посакувам да можеше да го видиш тоа. Ти вредиш многу повеќе од момчето кое сака да те промени. Знам дека мислиш дека го сакаш и можеби го сакаш. Но, дозволи ми да ти откријам една тајна. Момчето коешто го сакаш нема да сака да те промени. Нема да седи и да бара од тебе да бидеш подобра личност. Нема да сака да бидеш подобра личност, затоа што веќе си најдобрата личност.

Знам дека ги чувствуваш сите негативни енергии. Острите зборови кои луѓето ги кажуваа кога мислеа дека не слушаш. Знам дека ги имаш скриено внатре во себе. Знам дека им веруваш. Знам дека мислиш дека тие те дефинираат.

Но, малечка, ти вредиш многу повеќе.

Ти треба да најдеш момче кое ќе се буди секое утро и кое ќе го гледа светот во тебе.

Ти треба да најдеш момче коешто ти вели дека си убава и ти ќе му поверуваш.

Но, ти не веруваш. И можеби тоа е проблемот. Ти не веруваш. Не ја гледаш искрата во твоите очи. Не го гледаш начинот на кој менуваш милиони срца. Не ги гледаш твоите мислења и како тие имаат влијание. Не гледаш ништо од тоа. Посакувам да можеше да видиш.

Но, се додека не ја видиш сопствената вредност, засекогаш ќе останеш изгубена, залутана душа. Те гледам, јас сум ти. И ако некогаш сакаш да зборуваме, јас сум оддалечена само една порака од тебе.