Животот понекогаш знае да биде тежок и тоа е така за сите луѓе, без оглед на тоа од каде се и кои се. Едноставно доаѓаат денови кога ни изгледа дека целиот свет е против нас и како да не можеме да станеме од кревет бидејќи не можеме да се бориме со сето тоа. Секој ден е нов проблем и нов предизвик.
Но, тогаш сме си најпотребни.
Кога во глава имаме демони кои ни велат дека не можеме да продолжиме и дека мораме да се предадеме, кога луѓето околу нас се прашуваат зошто го правиме тоа што го правиме и кога самите не се разбираме. Мораме да туркаме напред. За себеси и за оние кои ги сакаме. Немаме друг избор.
Тогаш ни е потребен оптимизмот и позитивните мисли. Кога се соочуваме со проблематични ситуации и кога мислиме дека не сме доволно добри или дека не сме толку специјални, тогаш си требаме најмногу. Мораме да си веруваме себеси дека можеме. И, навистина можеме.
Помислете на сите тешки времиња кои сте ги надминале, кои сте ги преживеале. Помислете на сите брчки на лицето од проблемите и тешките времиња. Посилни сте одошто мислите и во животот можете се да надминете.
Преживеавте зошто така треба и зошто сте си потребни на себеси. Нахранете го својот ум и срце со позитивни мисли и ведрина и дајте се од себе да ги истуркате на рамења најтешките времиња. Тие дошле и ќе си заминат. Зачувајте ја насмевката за убавите денови кои доаѓаат.
