Не заборавајте себеси да си го подарите почитувањето, кое го заслужувате повеќе од било што. Почитта со која ќе си поставите приоритети кои вам ви одговараат, а ќе заборавите на оние нешта кои ви одземаат драгоцено време, а ве прават несреќни.

Дајте си ја почитта со која нема постојано да се грижите само за другите потреби и почитта со која ќе водите грижа за вашите цели и соништа.

Не заборавајте да си дарувате визија за тоа каде сакате да се движи вашиот живот. Лесно е да се живее ден за ден, без планови и цели, но таквиот пат не носи долгорочно исполнување, а времето брзо минува. Не заборавајте себеси да си подарите можност подобро да се запознаете себеси, да одвоите време од светот и во тишина да изберете во што ќе живеете, кому ќе го подарите своето срце и доверба и со какви емоции и мисли ќе се исполните себеси.

Не заборавете себеси да си дадете можност да дадете максимум од себе. Немојте да се задоволувате со минимумот, бидејќи тоа создава фрустрација, огорченост, незадоволство и завист. Со барањето повеќе, ги поместувате границите и барате среќа и задоволство.

На крајот, најважното :  не заборавајте себеси да си го подарите правото да бидете среќни, без оглед на тоа што се случило во вашиот живот. Никому не цветаат рози, ничиј живот не е бајка, работите не одат секогаш „како подмачкани“. Доаѓаат денови кои се тешки, но тие минуваат.