Назначен нов директор на „Аеродроми на Македонија“

Виктор Петрушевски, член на Ивршниот одбор на СДСМ е назначен за нов генерален директор на Акционерско друштво за аеродромски услуги „Аеродроми на Македонија“ во државна сопственост Скопје.

Според објавата на Централниот регистар, Петрушевски доаѓа на директорското место во државната компанија на местото на Назиф Буши, кој досега ја извршуваше функцијата генерален директор и претседател на Управен одбор на „Аеродроми на Македонија“, пренесува Емагазин.

Освен генерален директор државната компанија доби и нов Надзорен одбор.

За нови независни членови во Надзорниот одбор се назначени: Александар Лескаровски, Елеонора Фунду која е назначена за претседател на Надзорниот одбор, Симон Здравев, Владо Павлевски, Јанаки Костов.

Во исто време од Надзорниот одбор се разрешени: Љупчо Зорески, Елена Трајчева, Горан Торбаков, Киро Тодоровски и Ѓорѓи Боев.

За заменик-претседател на Управниот одбор на „Аеродроми на Македонија“ е назначена Мирјана Ќорвезировска-Димоска.