Сите имаме пријатели и сите тие се различни. Често, искрените и директни пријатели не се разбрани најдобро и делуваат дрско. Но, тие се секогаш искрени со нас бидејќи вистински се грижат. Тие се најдобрите пријатели кои можеме да ги имаме.
Ја кажуваат вистината – дури и кога боли.
За искрената личност, вистината е највисок стандард. Ако треба нешто да слушнете, тие ќе ви го кажат тоа. Но, таквата вистина не е секогаш тоа што сакате да го слушнете. Сепак, тие одлучуваат да бидат искрени и секогаш се тука да ви ја кажат вистината, дури и кога таа боли.
Никогаш нема да ве озборуваат позади грб.
Ако сте пријатели со искрена личност, тие ќе ви кажат директно тоа што мислат за вас. Нема да зборуваат позади грб и нема да се плашат од вашите реакции.
Имаат високи морални стандарди.
Луѓето често велат дека тие немаат морал, бидејќи се директни и брутално искрени. Но, не дозволувајте да бидете залажани. Тие точно знаат што е погрешно, а што вистинско, без да се трудат постојано да се движат во средината меѓу двете страни. Нивната искреност е всушност реакција на неискреноста во светот.
Ќе ве научат како да бидете подобра личност
Ќе ви посочат кога грешите, но и ќе ви кажат кога сте добри и кога ви се восхитуваат. Нема да се двоумат многу за нив. Од нив ќе научите многу за своите маани, но и за тоа како да бидете подобра личност.
Пријателството со нив е чисто.
Нема лаги, измами и скриени значења. Наместо тоа, имате пријател кој е со вас во добро и лошо.
