Проект за обнова на 12 регионални патишта со вкупна должина 166 километри почна Јавното претпријатие за државни патишта во соработка со Министерството за транспорт и врски. Инвестицијата во обновата на патиштата изнесува 14 милиони евра, обезбедени од Светска банка.
ЈП за државни патишта веќе потпиша договор со проектанска компанија за изработка на концептуални проекти, кои, како што соопшти денеска ресорното Министерство, се очекува да бидат завршени за четири месеци.
По изработката на конкретните проекти ќе се обновуваат регионалниот пат Младо Нагоричане – граница Пелинце, во должина од 19 километри, државните патишта Делчево – Звегор, во должина од петр километри и Струмица – Ново Село – граница со Бугарија, во должина од 20 километри.
Дел од проектот се и регионалните патишта Јурумлери – Драчево, во должина од 5 километри, Кавадарци – Росоман, во должина од 11 километри, Дедели – Фурка – Богданци – Гевгелија, во должина 24 од километри, Куманово – Свети Николе, во должина од 25 километри, Тетово – Попова Шапка, во должина од 15 километри, Делчево – Пехчево, во должина од 15 километри, Берово – Виница, во должина од 7 километри, Битола – Демир Хисар, во должина од 10 километри и Драчево – Орешани – Таор, во должина од 10 километри
– Владата на Република Македонија е целосно фокусирана на изградба и реконструкција на патната инфраструктура во Република Македонија, со цел да се овозможи поквалитетен живот на граѓаните и економски раст и развој на земјата, с евели во соопштението од Министерството за транспорт и врски.
