На што мажите не можат да одолеат?

Убавина, памет, сексапил и шарм. Што повеќе може да посакаат мажите од една жена? И додека повеќето мажи би умреле за овој убиствен спој, постојат некои стереотипи кои им се потполно неодоливи.

Кои се тие работи за кои мажите би клекнале на колена? Можеби ќе бидете изненадени од одговорот, но мажите не паѓаат на шминка или конфекциски број 36. Привлечни им се атрибути како виткана коса, долги нозе, убави стапала и секако - облини.

Жени во црвено
Мажите обожаваат да видат жена во црвен фустан. Научно е докажано дека жените кои носат црвено се посексапилни за повеќето мажи, факт кој покажува дека црвената боја навистина е романтична. Притоа, следниот пат кога прв пат ќе се појавите на состанок, не заборавајте да облечете црвено.

Долга виткана коса
Доколку досега сте мислеле дека нанесувањето голема количина шминка или детално средување од глава до пети е формулата за машкото срце, сте се излажале. Наједноставен начин да привлечете машко е да ја пуштите вашата природно виткана коса. Имено, повеќето мажи витканата коса ја сметаат за неодолива.

Тело со облини
Одамна е познато дека мажите не сакаат костурести жени, но тоа не ги спречува жените и понатаму да бидат на некои диети. Мажите сакаат облини бидејќи, како што велат, таквите жени изгледаат здраво и сексапилно. Поради тоа, престанете да гладувате, имајте нормална тежина и уживајте со мажот од вашите соништа.

Долги секси нозе
Мажите буквално паѓаат на колена пред жена со долги нозе. Тие сметаат дека тоа е најсексапилниот дел од женското тело и уживаат кога ќе видат жена со убаво обликувани долги нозе спакувани во мини здолниште. Доколку сте горда сопственичка на такви нозе, овозможете му една приватна грациозна прошетка.

Длабоки темни очи
Без оглед на тоа дали се сини, црни, зелени и кафеави, жените во очите ги кријат своите емоции. Мажите се слаби на жени со крупни очи, кои, како што велат, им влеваат доверба. Во едно истражување мажите признале дека во големите длабоки женски очи може да го видат одразот на своите позитивни особини.

Бринета, а не русокоса
Едно детално истражување тврди дека мажите повеќе сакаат црни отколку девојки со руса коса, иако е општо познато дека не е така. Тоа посебно доаѓа до израз кога мажот ја избира својата животна партнерка. Истражувањето открило дека мажите кај црните девојки гледаат стабилност и чувство на сигурност, што се добри квалитети за идна сопруга.

Секси стапала
Иако некои го сметаат како фетиш, едно истражување докажало дека во поново време сексапилните женски стапала се битен дел за мажот. Дури 30% од мажите никогаш не би можеле да бидат со жена со грди стапала, без разлика на нејзината беспрекорна убавина и интелигенција.

Интелигенција
Убавината во спој со паметот ја сочинуваат убиствената комбинација. Интелигентната жена побрзо го пронаоѓа патот до машкото срце. Повеќето мажи признаваат дека најчесто паѓаат на интелигентни жени, бидејќи обожаваат кога жената во разговорот се однесува како рамноправен партнер.