На минусни температури аеродромци без парно греење

Голем дел од Аеродром утрово се разбуди во студ. Жителите на делот околу Т.Ц. Бисер се жалат дека наместо коледари, нив ги будел студот оти радијаторите биле мраз – студени. Граѓаните пријавиле во БЕГ и барале брза реакција.

Дали е дефект во прашање, односно што е проблемот, се очекува компанијата брзо да реагира и да го разреши. Во спротивно на минусните температури, денеска кога сите жители се дома, прашање е како ќе се издржи. Аеродромци, реагираат и дека парното оваа година не е на нивото кое било претходните години.