Младата ракометна репрезентацијана на Македонија денеска ќе ги дознае своите противници за Светското првенство што од 18 до 30 јули годинава ќе се одржи во Алжир.
Македонија пред ждрепката е сместена во третиот шешир заедно со селекциите на Катар, Алжир и Фарските острови, кои нема да бидат противници на црвено-жолтите во групната фаза.
Носители се репрезентациите на Шпанија, Франција, Германија и Хрватска, кои ќе бидат ждребани од првиот шешир.
Во вториот покрај домаќинот Тунис, се и селекциите на Норвешка, Данска и Исланд. Во четвртиот шешир ќе бидат селекциите на: Унгарија, Египет, Саудиска Арабија и Бразил, а петтиот во ќе се: Словенија, Буркина Фасо, Јужна Кореја и Аргентина.
Од последниот шести шешир ќе бидат извлечени селекциите на: Русија, Мароко, Шведска и Чиле.
При извлекувањето ќе бидат одредени четири групи со по шест репрезентации, од кои првопласираните четири селекции од секоја група ќе играат во осминафиналната фаза, додека петто и шесто рангираните ќе разигруваат за пласман од 17 до 24 место.
Извлекувањето на групите за младинското Светско првенство е попладнево од 16 часот во Базел.
