Вчера околу 16 часот и 30 минути од Градската општа болница „Свети Наум Охридски“-Скопје било пријавено дека кај нив бил донесен 22-годишниот Д.М. од селото Трубарево, кој се здобил со убодна рана од остар предмет на левата страна од градниот кош.
Имено, Д.М. на улицата “Кеј 13-ти Ноември“ бил физички нападнат од страна на две непознати лица, а едното од нив употребило нож, со кој го прободело Д.М.
Од страна на лекар констатирани му биле телесни повреди и истиот бил пуштен на домашно лекување.
Се преземаат мерки за целосно расчистување на случајот.
