Во 2016 година во Македонија се доселиле од други држави вкупно 2.764 странски државјани, покажуваат последните податоци на Државниот завод за статистика.
Според стросната структура најбројни се доселеници- мажи на возраст од 30 до 64 година.
Така според статистката лани во Македонија се доселиле вкупно 218 деца на возраст од 14 години.
Доселени се 568 жени и 522 мажи на возраст од 15 до 29 години, потоа 612 жени и 733 мажи на возраст од 30 до 64 години и 129 лица постари од 65 години.
Како најчеста причина за доселување во Македонија според податоците од статистиката е склучување на брак кај жените од кои 43,6 % од нив лани дошле поради оваа намена, додека кај мажите најчеста причина за доселување во Македонија е школување, односно 45,8% од нив се доселиле за таа намена.
Најмногу доселени странци има од Турција, чиј број изнесува 1.355, па потоа од Албанија 514 лица, од Србија 508, а од Косово се доселиле 490 лица. Од другите континенти најмногу лица во Македонија се доселиле од Азија (191), од Америка (121) и од Африка (50). Странски државјани се доселуваат во земјава главно заради склучување бракови, вработување и образование.
Доселени жени на возраст од 15 до 29 години лани имало 537, а мажи на истата возраст 514, а истовремено се доселиле 498 жени и 648 мажи на возраст од 30 до 64 години.
Лани, од земјава се отселиле вкупно 630 лица, од нив 440 се граѓани на Македонија, а остатокот од иселените лица, односно 190 се странци со привремен престој. Македонците се отселиле во Германија, САД и други европски држави.